नागपुरातील गांधीबागमध्ये रेडीमेड लेडीज गारमेंट दुकानाला भीषण आग; मोठे नुकसान

March 31, 2026 Headlinesnews

नागपूर : शहरातील गांधीबाग परिसरात रविवारी रात्री उशिरा एका रेडीमेड लेडीज गारमेंट दुकानात भीषण आग लागल्याची घटना घडली. सिंधी धरमशाळा समोर असलेल्या दुकानात ही आग लागली असून, या घटनेमुळे परिसरात एकच खळबळ उडाली.

मिळालेल्या माहितीनुसार, रात्री सुमारे १०.४८ वाजण्याच्या सुमारास अग्निशमन विभागाला घटनेची माहिती मिळाली. त्यानंतर गंजीपेठ अग्निशमन स्थानकाची गाडी (क्रमांक MH-31 DS-4927) तात्काळ घटनास्थळी रवाना झाली. अग्निशमन दलाचे कर्मचारी रात्री १०.५३ वाजता घटनास्थळी पोहोचले.

Gold Rate

Mar 30,2026 – Time 10.25Hrs

Gold 24 KT
₹ 1,45,500 /-

Gold 22 KT
₹ 1,35,300 /-

Silver/Kg
₹ 2,29,600/-

Platinum
₹ 90,000/-

Recommended rate for Nagpur sarafa Making charges minimum 13% and above

घटनास्थळी बबन जाधव, तारडे, रजा आणि रोहित जाधव हे अधिकारी व कर्मचारी उपस्थित होते. त्यांनी तत्काळ आग विझवण्याचे काम सुरू केले. अथक प्रयत्नांनंतर आग पूर्णपणे नियंत्रणात आणण्यात यश आले.

ही आग इतकी भीषण होती की दुकानातील लेडीज गारमेंटचा मोठ्या प्रमाणात जळीत झाला. दुकानाचे मालक नितीश गंगाधर नाबमारे (वय ३१) असून, त्यांच्यासह इतर संबंधितांची माहितीही समोर आली आहे. या आगीत नेमके किती आर्थिक नुकसान झाले याचा अंदाज अद्याप स्पष्ट झालेला नाही.

प्राथमिक माहितीनुसार, आगीचे कारण शॉर्ट सर्किट असल्याची शक्यता वर्तवली जात आहे. आग लागल्यानंतर दुकानासोबतच आजूबाजूच्या काही दुकानांनाही धोका निर्माण झाला होता, मात्र अग्निशमन दलाच्या तत्परतेमुळे मोठी हानी टळली.

या घटनेची नोंद तहसील पोलिस ठाण्यात करण्यात आली असून, पुढील तपास सुरू आहे. आग पूर्णपणे विझवून अग्निशमन पथक स्थानकात परतले.

दरम्यान, या घटनेमुळे गांधीबाग परिसरात काही काळ भीतीचे वातावरण निर्माण झाले होते.